മഹാദേവനായി ലോകമെമ്പാടുമുള്ള ആരാധകരുടെ ഹൃദയം കീഴടക്കിയ നടന്‍ മോഹിത് റെയ്ന വിവാഹിതനായി.
പരമശിവനായി വേഷമിട്ടതോടെ മോഹിത് എന്ന പേര് പോലും ആളുകള്‍ മറന്നു പോയി. ആരാധകര്‍ മഹാദേവന്‍, കൈലാസ നാഥന്‍ എന്നിങ്ങനെയായിരുന്നു മോഹിതിനെ വിളിച്ചിരുന്നത്.
ഒരു സ്വകാര്യ ചാനലിലെ പരമ്പരയിലൂടെ മഹാദേവനായി വേഷമിട്ട് കോടിക്കണക്കിന് ആരാധകരെയാണ് മോഹിത് സ്വന്തമാക്കിയത്.
ഇപ്പോഴും മഹാദേവനെ ഓര്‍മ്മിക്കുമ്പോള്‍ മോഹിതിന്റെ രൂപം മനസ്സിലേക്ക് വരുന്നെന്ന് പറഞ്ഞവരും ചുരുക്കമല്ല.
ഇന്‍സ്റ്റാഗ്രാമില്‍ പങ്കുവെച്ച ചിത്രങ്ങളിലൂടെയാണ് മോഹിതിന്റെ വിവാഹ വാര്‍ത്ത ആരാധകര്‍ അറിയുന്നത്. വര്‍ഷങ്ങള്‍ നീണ്ട പ്രണയത്തിന് വിരാമമിട്ടു കൊണ്ടാണ് മോഹിത് അദിതിയെ സ്വന്തമാക്കിയത്.
ഒന്നും പ്രണയത്തിന് തടസ്സമല്ല.. പ്രതീക്ഷയോടെ അതിര്‍വരുമ്പകളെല്ലാം മറികടന്ന് ഇത് ലക്ഷ്യത്തിലെത്തും. അതേ പ്രത്യാശയും മാതാപിതാക്കളുടെ അനുഗ്രഹവും കൊണ്ട് ഞങ്ങള്‍ ഇപ്പോള്‍ രണ്ടല്ല, ഒന്നാണ്.
ഈ പുതിയ യാത്രയില്‍ നിങ്ങളുടെ എല്ലാ സ്നേഹവും അനുഗ്രഹവും ആവശ്യമാണ്. അദിതി & മോഹിത്.’ എന്നാണ് മോഹിത് പങ്കുവെച്ച ചിത്രങ്ങളോടൊപ്പം കുറിച്ചിരിക്കുന്നത്.
മഹാദേവ് പരമ്പരയില് സതിയായി വേഷമിട്ടിരുന്ന ചലച്ചിത്ര താരം മൗനി റോയിയുമായി മോഹിതിന് അടുപ്പമുണ്ടായിരുന്നെന്നും വാര്‍ത്തകളുണ്ടായിരുന്നു.
എങ്കിലും ഔദ്യോഗികമായി താരങ്ങള്‍ ഇരുവരും സ്ഥിരീകരിച്ചിരുന്നില്ല. ദേവോം കെ ദേവ് മഹാദേവ് എന്ന ടെലിവിഷന്‍ പരമ്പരയ്ക്ക് പുറമേ ഉറി ദ സര്‍ജിക്കല്‍ സ്ടൈക്ക്, ഷിദ്ദാത് തുടങ്ങിയ ചിത്രങ്ങളിലും മോഹിത് വേഷമിട്ടിരുന്നു.
